小朋友房採用上下層設計，上層設有睡床同樓梯上落，並配有連燈帶嘅玻璃展示櫃，下層就安排咗書枱、層架同儲物櫃，方便小朋友温習同收納。另一間房設有單人床、書枱同頂櫃，全白色嘅櫃身令空間感更加開揚。主人房則轉用深木色調，以地台床提供大量收納空間，配合白色趟門衣櫃同開放式掛衣位，整體風格沉穩舒適。