單位係位於將軍澳廣明苑廣新閣，整體以白色、淺灰同雲石紋為主調，再點綴粉紅同淡紫色，打造出優雅嘅奶油輕奢風格。大門採用弧線圖案設計，入門即見高身鞋櫃同黑框玻璃趟門，令廚房空間更加通透；客廳設有雲石紋背景牆配拱門造型，並以格窗玻璃做間隔，配合白色矮櫃同粉紅坐墊，兼具美觀同收納功能。