妹妹房採用咗印有貓手掌圖案嘅趟門，打開時保留天然採光，關上時又保持私隱，門下仲加設咗抽屜；房內設有地台床、書枱同衣櫃。兩兄弟房主打粉藍色調，採用上下格床連樓梯設計，並配備衣櫃同書枱方便温習。主人房嘅床身特別做高同中空，方便推入塑膠箱收納雜物同衣物，對面設有遊戲枱同抽屜，並以玫瑰金收邊條點綴。洗手間同廚房都採用 PD 門，洗手間配上粉紅廁所櫃、粉紅水龍頭同玫瑰金浴屏；廚房則採用免打拆設計，地下直接鋪設深木色石塑地板，牆身配合吊櫃選用純色色調，慳成本之餘效果更加企理。