業主希望有一個通透一體嘅環境，所以工作空間門口採用咗三趟門設計，入面設有大量儲物同展示櫃，方便擺放書本同 Figure，業主亦會自行添置升降枱。睡房方面設有大型 L 型櫃，結合書櫃、衣櫃同多格抽屜，三呎床掀開後更係一整個收納空間，床尾亦特別預留咗位置擺放電視。洗手間門口採用慳位嘅 PD 門，入面無需打拆，配備鏡櫃同一體式洗手盆；廚房就重新設計咗一套廚櫃並更改水槽位置，改用電磁爐之餘亦預留咗洗衣機位，吊櫃下方仲加裝咗櫃燈提升明亮度。