喺細節方面，我哋都花咗唔少心思。洗手間嘅牆身用咗灰色瓷磚，配搭黑色地磚，並特別加入木元素點綴，喺低調之中突顯出現代感 。 兩間睡房嘅設計都以最大化收納空間為首要目標 。 其中一間睡房採用咗平面拉板設計嘅儲物櫃，線條簡潔俐落，旁邊嘅油壓床頂部就加設咗假百葉門，增加設計層次感 。 另一間睡房就造咗儲物地台、窗台櫃，以及一個三趟門大衣櫃，確保有充足嘅空間擺放衣物同雜物