單位嘅最大特色係客廳裡一個升高咗一級嘅儲物平台，平台下方設有滲燈效果，上面除咗係書檯，仲內藏乾坤，包含咗一個隱藏式嘅化妝台，將空間利用到極致。睡房區域有一張油壓床，大大增加收納空間，旁邊配備咗一個型格嘅黑色框茶色玻璃衣櫃。洗手間方面，設有智能鏡櫃同埋古銅色浴屏，吊櫃嘅設計巧妙咁遮住咗喉管，非常美觀。廚房雖然有大廈明渠，但亦都特別用外殼包好，令整體觀感更企理。