為咗滿足家庭嘅生活需求，我哋喺每個空間都花咗唔少心思。廚房採用開放式設計，配上奶油色嘅廚櫃門板同玻璃趟門，既可以保持空間感，又能有效隔絕油煙。主人房為咗善用窗台位置，將睡床加高，床下增加咗儲物櫃桶，同時亦預留空間擺放梳妝枱。小朋友房就訂造咗上格床，樓梯結合咗儲物櫃桶功能，下面係衣櫃，另一邊就係書檯同書架，將空間利用到極致。至於洗手間，就採用咗深淺對比色設計，配備一體式石盤同埋有除霧功能嘅智能鏡櫃，美觀又實用。